Ҳадис ва Ҳаёт. 21-жуз. Абу Бакр ва Умар розияллоҳу анҳумо (аудио)

Шайх Муҳаммад Содиқ Муҳаммад Юсуф ҳазратларининг қаламларига мансуб «Ҳадис ва Ҳаёт» туркумининг « Абу Бакр ва Умар розияллоҳу анҳумо » деб номланган 21-жузи ёзилган аудио диски. Мусулмонларнинг бу авлоди охири замон Пайғамбарига иймон келтириб, у зотнинг раҳбарликлари остида Аллоҳ таолонинг охирги ва абадий илоҳий дастури Қуръони Карим ҳукмларини ўз ҳаётларида татбиқ қилиб, ҳаммага ўрнак бўлган бир авлоддир. Бу авлод нубувват дорилфунунида толиблик қилиб, унда сабоқ олиш ила жаҳолат зулматидан иймон нурига чиққан бир авлоддир. Биз бугун ҳаёт саҳифалари билан танишадиган икки улуғ саҳоба эса ана шу авлоднинг энг мўътабар, энг буюк вакилларидир. Биз бугун ҳазрати Абу Бакр Сиддиқ розияллоҳу анҳу ҳамда ҳазрати Умар ибн Хаттоб Фаруқ розияллоҳу анҳуларнинг фазллари ҳақидаги ҳадислар шарҳи билан танишамиз.