Ҳадис ва Ҳаёт. 23-жуз. Жаннат башорати берилганлар ва аҳли байт (аудио)

Шайх Муҳаммад Содиқ Муҳаммад Юсуф ҳазратларининг қаламларига мансуб «Ҳадис ва Ҳаёт» туркумининг «Жаннат башорати берилганлар ва аҳли байт» деб номланган 23-жузи ёзилган аудио диски. Аввалги суҳбатларда тирик чоғларидаёқ жаннатга башорати берилган бахтиёр биринчи тўрт рошид халифалар - Абу Бакр Сиддиқ, Умари Одил, Усмон Зуннурайн ва Али Муртазо розияллоҳу анҳумнинг ҳаётлари ва фазилатлари билан танишган эдингиз.  Бугун эса жаннат башорати берилган ўнликдан қолган олтиталари– Зубайр ибн Аввом, Толҳа ибн Убайдуллоҳ, Саъд ибн Абу Ваққос, Абу Убайда ибн ал-Жарроҳ, Абдурроҳман ибн Авф ва Саъийд ибн Зайд розияллоҳу анҳумларнинг фазилатлари, сўнгра Набий соллаллоҳу алайҳи васалламнинг аҳли байтларининг фазллари ҳақида сўз юритилади.