Ҳадис ва Ҳаёт. 34-жуз. Яхшилик ва ахлоқ (аудио)

Шайх Муҳаммад Содиқ Муҳаммад Юсуф ҳазратларининг қаламларига мансуб «Ҳадис ва Ҳаёт» туркумининг «Яхшилик ва ахлоқ китоби» деб номланган 34-жузи ёзилган аудио диски. Бу китоб гувоҳи бўлиб турганингиздек, «Яхшилик ва ахлоқ китоби» деб номланмоқда. Бу ердаги яхшилик кенг ва шомил маънода бўлиб, Ислом яхши деб санаган барча нарсаларни ўз ичига олади. Бунда қўшничиликда яшаётган кишилар ўртасидаги яхшиликлар ҳам, оилавий яхшиликлар ҳам, тоат-ибодат ҳам, лутфу марҳамат ҳам, силаи раҳм ва хайри эҳсон ҳам - барча-барчаси ирода қилинади. Бизнинг боболаримиз яхшилик ва ахлоқнинг ҳақиқатини тўлиқ маънода Исломдан ўрганганлар. Улар Аллоҳ таолонинг охирги ва мукаммал дини, макоримул ахлоқлар дини бўлган Ислом дини орқали яхшилик ва ҳусни хулқни ўзларига касб қилганлар. Улар ўзлари бу улуғ неъматлардан баҳраманд бўлишлари билан бир қаторда, ўзгаларга ҳам ўзлари каби яхшиликлар етишини истаганлар.