Ўзгарайлик ёки 63 ўгит (аудио)

«Ўзгарайлик ёки 63 ўгит» китобининг аудио шакли. Матнни Назокат Раҳимова ўқиган. Ушбу рисолада ўтмишда ўтган улуғларимизнинг ўгитлари ва ҳаётий кузатувларим асосида туғилган фикр-мулоҳазаларимни сиз азиз ўқувчилар учун бир жойда жамлашни мақсад қилдим. Ўйлайманки, уни ўқиган ҳар бир ўқувчи тафаккур ила ўзидаги камчиликларни тафтиш қилишга ўтади. Натижада янада яхши томонга ўзгаради деган умиддаман. Албатта, бу ўгит ва фикр-мулоҳазаларнинг аксариятини улуғларимиздан эшитгансиз ёки улар бу ўгитларни ўзларининг китоблари орқали жуда чиройли тарзда етказиб бера олганлар. Аллоҳ уларнинг барчаларини Ўз раҳматига олган бўлсин! Ушбу сатрларда бирор яхшилик топсангиз, Аллоҳдан деб билиб, каминанинг ўтган аждодлари руҳига дуойи хайрда бўлгайсиз, хато ва нуқсонларни ҳақир ходимингиздан деб билиб, маъзур тутгайсиз.