Машҳур даҳолар сийрати

Азизхўжа Хайруллоҳ ўғли қаламига мансуб «Машҳур даҳолар сийрати» китобининг электрон нашри. Китобнинг қайта ишланган ва тўлдирилган ушбу янги нашрига ўттиздан ортиқ уламо ва фузалолар ҳақидаги маълумотлар қўшимча киритилган бўлиб, оят-ҳадислар ва бошқа иқтибосларнинг арабий матнлари ҳам берилган. Машҳур аллома Шамсиддин Заҳабий қатор асарлари билан Ислом оламида донг ‎таратганлар. Булар орасида у зотнинг минглаб муҳаддис, муфақкиҳ, муарриху ‎муфассирлар тўғрисида қимматбаҳо маълумот берилган бир неча жилддан иборат ‎‎«Сияру аъламин нубало» китоблари алоҳида аҳамиятга эга.‎ Кўплаб илмий тадқиқотлар, таржимаю таҳлиллар учун манба бўладиган бу битик-‎хазинада юзлаб ватандошларимизга хам муносиб ўрин берилган. Бухоро туманидаги ‎‎«Чор Бакр» жомеъ масжиди имом-хатиби Азизхўжа Иноятов томонидан амалга ‎оширилган ушбу таржима орқали уларнинг икки юздан зиёди билан танишиш ‎маънавиятимизнинг бойишига улкан хисса қўшиши шубҳасиз.‎